Soloblues |
||
I hocken ir Chuchi u stieren a d' Wand i füele mi schyssig scho weis nid wi lang ha gar e kei Hunger, ha nid emal Durscht bi müed u bi hässig und alles isch mer wurscht |
||
Itz bin i scho drei Tag eleini u d'Frou ud'Chind si am See itz bin i scho drei Tag aleini sch nume dra dänke tuet weh |
||
I luegen i Chüelschrank, dä Tonner isch läär bis uf enes Joghurt und es Chäsli vom Baer S' het ou no Darvida, zwar afe chly ling aber s' isch mer egal, egal i schoppe das alles i Gring |
||
Wüll i bi aleini u d' Frou u d'Chind si am See un i bi nomal drei Tag aleini scho nume dra dänke tuet weh |
||
Un i mah nid i Kino, un i mah nid i d' Beiz wüll die Lüt won i triffe frage nume: Wie geit's ? U was söll i da säge, si gseh mer s'doch a blibe gschydeer daheim u ga sofort i ds Näscht es schysst mi doch a |
||
Itz bin i no drei Tag aleini u d' Frou u d'Chind sind am See u i bi nomal drei Tag aleini scho nume dra dänke tuet weh |
||
U da räblet's ar Türe us i chöme scho hei I di drückigi Stilli, chunnt wider das Gschrei d' Frag, warum ig ir Chuchi, nid suber heig gmacht und öb ig heig ygchouft für z'Mittag und Znacht |
||
Ja he, nenei, löht mi doch aleini o göht doch retour a See da blyben i lieber no chli aleini das Gstürm, das bruucht mi no meh |
||
als wenn i no drei Tag lang aleini wär u dir no am See de hätt i Rueh z'mindschte mein' i u dir müesst d'Chuchi nid gsee |
||
Quelle: 25 Berndütschi Lieder der Gruppe "Tschou
zäme", ISBN 3-7296-0524-0 Kontakt: H.U.Gerber, Dorfstrasse 8, CH-3550 Langnau |